Category Archives: Hafnarsókn

Íþróttamessa

Nú er vetrarstarfi Sindra að ljúka og sumarstarfið að byrja og vegna þess verður íþróttamessa í Hafnarkirkju sunnudaginn 11. maí klukkan 14:00. Íþróttakappar á öllum aldri munu aðstoða í messunni og Óli Stefán Flóventsson mun sjá um hugleiðingu.

Allir eru hvattir til að mæta í Sindrabúning eða einhverju rauðu.

Sýnum samhug, biðjum saman og fyrir íþróttafólkinu okkar í Sindra.

Hvað var um að vera í prestakallinu í apríl

Í ár verður apríl eflaust stærsti mánuður prestakallsins enda var nóg um að vera þann mánuðinn. Fermingarnar byrjuðu í 13. apríl á pálmasunnudegi og viku seinna voru páskarnir. Messur og kyrrðarstundir voru alls 15 í apríl mánuði. Þess má til gaman og fróðleiks geta að það komu 1426 manns í þessar athafnir og 252 komu til altaris.

Ein útför var í mánuðinum og ein hjón gefin saman. Páskahátíðin er góð hátíð til að taka börn inn í kirkju Krists enda voru sjö börn skírð í apríl. Hér fyrir neðan er hægt að sjá nöfn þeirra sem voru skírð en einnig þeirra sem létu gefa sig saman og þess sem lést.

Andlát
– Benedikt Stefánsson, Hvalnesi

Skírn
– Katla
Foreldrar: Hjalti Þór og Guðrún
– Sigurður Brynjar
Foreldrar: Torfi og Guðbjörg Anna
– Valdimar Leó
Foreldrar: Þóra Björg og Gísli Karl
– Sara Mekkín
Foreldrar: Elva Björk og Birgir Fannar
– Þórdís Eva
Foreldrar: Nanna Halldóra og Friðrik
– Skúli Baldur
Foreldrar: Jóna Stína og Sigurjón Magnús
– Fjölnir Freyr
Foreldrar: Vésteinn og Þórey

Gifting
– Stefanía Anna og Þröstur

Nóg um að vera í Hafnarkirkju á næstunni – uppfært

Alltaf er eitthvað um að vera í kirkjunni okkar á Höfn. Fyrir utan messur og aðrar trúarlegar athafnir þá er kirkjan mikið notuð fyrir alls kyns viðburði. Nýlega var kirkjan fengin að láni undir stóru upplestrarkeppnina þar sem ungir Hornfirðingar og krakkar frá Djúpavogi öttu kappi við hvert annað í upplestri.

Á næstunni verður heilmikið líf í kirkjunni en á næstu fimm vikum er þegar búið að bóka Hafnarkirkju undir fimm tónleika. Tónleikarnir sem verða í kirkjunni eru:

  • Samkór Hornafjarðar, 10. apríl kl. 20:00
  • Friðrik Ómar, 16. apríl kl. 20:00
  • Orgeltónleikar, 26. apríl kl. 15:00
  • Karlakórinn Jökull, 1. maí kl. 17:00
  • Gleðigjafar (Kór eldri borgara), 18. maí kl. 16:00

Núna er bara að merkja viðburðina inn á dagatalið, mæta og njóta.

Ársskýrsla Hafnarsóknar fyrir árið 2013

Aðalfundur 2014
Albert Eymundsson formaður fer yfir skýrslu sóknarinnar

Miðvikudaginn 19. mars síðastliðinn fór fram aðalfundur sóknarnefndar Hafnarsóknar. Venjuleg aðafundarstörf voru á dagskránni og farið var yfir skýrslu sóknarinnar frá árinu áður. Nú hefur þessi skýrsla verið sett á netið og hana er að finna hér en hún er í .pdf formi sem flestar tölvu ættu að geta opnað.

Ársskýrsla 2013 – 2014

Margt áhugavert er að finna í skýrslunni, svo sem fjölda athafa á árinu 2013 og fjárhagsáætlun.

Skírnarkjólar til leigu

Á árinu 2013 voru skírð um 30 börn í Bjarnanesprestakalli. Þegar börn eru borin til skírnar eru þau allajafna í þartilgerðum skírnarkjólum. Það er nokkuð ljóst að það sitja ekki allir á þannig kjólum þó oft er það þannig að sami kjólinn er notaður aftur og aftur innan fjölskyldunnar. Þar sem sú hefð hefur ekki skapast getur fólk lent í vandræðum að nálgast skírnarkjól.

Hafnarsókn býr svo vel að eiga þrjá skírnarkjóla sem hægt er að fá leigða. Gjaldið fyrir leigu á kjólunum felst í að borga hreinsunina á þeim eftir notkun. Kjólarnir eru geymdir í versluninni Hjá Dóru og hægt er að fara þangað til að skoða þá og leigja.

Hægt er að sjá myndir af kjólunum hér.

Fermingardagar vorið 2014

Nú hafa fermingarbörn og foreldrar þeirra staðfest fermingardagana. Alls eru dagarnir fimm en suma daga verður fermt í fleiri en einni kirkju sama dag. Skiptingin er á þessa leið:

  • 13. apríl – Hafnarkirkja og Stafafellskirkja
  • 17. apríl – Hafnarkirkja
  • 19. apríl – Hafnarkirkja og Brunnhólskirkja
  • 20. apríl – Hofskirkja og Bjarnaneskirkja
  • 8. júní – Hafnarkirkja, Bjarnaneskirkja og Brunnhólskirkja

Heimalærdómur fermingarbarna

Það sem fermingarbörn þurfa að læra og kunna eftir áramót.

Gullna reglan
Allt sem þér viljið að aðrir menn gjöri yður, það skuluð þér og þeim gjöra

Tvöfalda kærleiksboðorðið
Jesús segir: „Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Annað er þessu líkt: Þú skalt elska náunga þinn eins og sjálfan þig.“

Skírnarskipunin
Jesús segir: “Allt vald er mér gefið á himni og jörðu. Farið því og gjörið allar þjóðir að lærisveinum, skírið þá til nafns föður og sonar og hins heilaga anda, og kennið þeim að halda allt það, sem ég hefi boðið yður. Sjá, ég er með yður alla daga, allt til enda veraldar.”

Bæn
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.

Sálmur 273, vers 13
Ég lifi’ í Jesú nafni,
í Jesú nafni’ eg dey,
þó heilsa’ og líf mér hafni,
hræðist ég dauðann ei.
Dauði, ég óttast eigi
afl þitt né valdið gilt,
í Kristí krafti’ eg segi:
Kom þú sæll, þá þú vilt.

Hvað var um að vera í desember

Í desember er stærsta hátíð kristinna manna hér á landi. Það er því ekki hægt að segja annað en það hafi verið nóg að gera í kirkjum prestakallsins í desembermánuði. Með aðventustundum voru athafnir alls 16, ein guðsþjónusta féll niður en það var í Öræfunum á jóladag.

Eitt andlát varð í prestakallinu og eitt barn borið til skírnar.

Andlát
– Jóhanna Vilborg Ingvarsdóttir, Þorgeirsstöðum

Skírn
– Hildur Björg
Foreldrar: Magnús Freyr og Ólöf Inga

Gaman er að segja frá því að alls skírðu prestar Bjarnanesprestakalls alls 30 börn á árinu 2013.