Category Archives: Kálfafellsstaðarsókn

Messur og guðsþjónustur um páskana

Það er ekki hægt að segja annað en það verði nóg um að vera í prestakallinu um páskana eins og undanfarin ár. Það verða fermingar, hátíðarguðsþjónustur og -messur. Hér fyrir neðan má sjá dagskránna sem bíður ykkar.

Hafnarkirkja
Kyrrðarstund á föstu miðvikudaginn 1. apríl kl. 18:15
Messa á skírdagskvöld kl. 20:00
Guðsþjónusta á föstudaginn langa kl. 13:00
Hátíðarmessa á aðfangadag páska 4. apríl kl. 11:00 – Ferming
Hátíðarguðsþjónusta á páskadag kl. 9:00

Hoffellskirkja
Hátíðarmessa á aðfangadag páska 4. apríl kl. 14:00 – Ferming

Kálfafellsstaðarkirkja
Hátíðarmessa á skírdag 2. apríl  kl. 13:00

Bjarnaneskirkja
Hátíðarmessa á páskadag kl. 13:00 – Ferming

Hofskirkja
Hátíðarguðsþjónusta á  páskadag kl. 16:00

Stafafellskirkja
Hátíðarmessa á annan páskadag 6. apríl kl. 13:00 – Ferming

Brunnhólskirkja
Hátíðarguðsþjónusta á annan páskadag 6. apríl kl. 16:00

Vinir í bata – 12 spora kerfið byrjar í Hafnarkirkju

Boðið verður upp á Tólf spora starf í Hafnarkirkju og eru kynningarfundir helgina 20. feb. – 22. feb. Allir eru hvattir til að koma og kynna ykkur þetta starf, sem hefur gefið mörgum svo mikið. Sr. Stígur (stigur.reynisson@kirkjan.is) og Sveinbjörg (sveinbjörg7@talnet.is) munu leiða starfið í vetur

Fyrsti fundur verður föstudaginn 20. febrúar  kl 17:00 og þá gefst tækifæri til að kynna sér hvernig 12 sporin eru unnin.

Fundirnir verða vikulega og á fyrstu þremur fundunum sem eru öllum opnir er unnið með kynningarefnið sem leiðir smátt og smátt inn í sjálfa 12 spora vinnuna.  Á 4. fundi 27. febrúar er hópunum lokað og ekki fleirum bætt við.

Kirkjan býður þátttakendum upp á þetta starf þeim að kostnaðarlausu.

Tólf spora bati er aðferð sem er hvorki á ábyrgð neins trúarhóps né safnaðar. Samt sem áður finna margir sem nota efnið að það samræmist þeirra eigin andlegu þörfum og trú. Það hefur engin opinber trúartengsl.

Það er samt sem áður aðferð sem hjálpar okkur að enduruppgötva og dýpka andlega þáttinn í okkur sjálfum.

Við komumst líka að raun um það í Tólf spora vinnunni að okkar andlega hlið er mikilvæg. Við lærum að lifa lífinu samkvæmt leiðsögn Guðs, okkar Æðri máttar. Við verðum þess meðvituð að kvíðinn eða örvæntingin sem við finnum fyrir, er afleiðing þess að við horfum framhjá eða höfnum samfélagi við okkar æðri mátt.

Markverðast á árinu 2014

Nú er árið 2014 á enda og nýtt ár hafið. Við tímamót líkt og áramót eru er áhugavert að líta aftur og skoða hið liðna ár, hvað var markverðast og minnistæðast.

Í Bjarnanesprestakalli var nóg um að vera. Messur, guðsþjónustur og aðrar helgar stundir voru fjölmargar og þökkum við öllum þeim sem komu til kirkju og tóku þátt í athöfnunum. Fjölmargar aðrar athafnir fóru fram og hér má sjá tölulegar útskýringar á þeim.

  • Útfarir á árinu 2014 voru fimm talsins.
  • Prestar prestakallsins skírðu 31 barn og er það einu fleira en frá árinu áður.
  • Fermd voru 31 barn í fimm kirkjum.
  • Hjónavígslur framkvæmdar af prestum prestakallsins voru fimm.
Sigurgeir-jonsson
Sigurgeir með nikkuna í Hofskirkju.

Undanfarin ár hefur Krístin oganisti sem hefur séð um tónlist í öllum kirkjum í prestakallinu nema í Hofskirkju í Öræfum en það hefur Sigurgeir Jónsson frá Fagurhólsmýri séð um leik á orgelið í flestum þeim athöfnum sem hafa verið í sveitinni. Það urðu því tímamót þegar Sigurgeir ákvað að hætta í byrjun ár sem organisti í Hofskirkju eftir áratuga starf vegna aldurs. Hann á það þó til að grípa í nikkuna þegar hann er beðinn fallega. Sigurgeiri er þakkað kærlega fyrir hans störf í þágu kirkjunnar og safnaðarnis í Öræfunum.

Nú þegar nýtt ár er hafið bíða spennandi verkefni og það stefnir í gott ár. Prestar, starfsfólk og sóknarnefndir minna svo á að það eru allir velkomnir til kirkju og einfaldast er að fygljast með hægra megin hér á síðunni hvenær næstu athafnir verða.

Messutímar um jól og áramót

Um jólin verða prestarnir á ferð og flugi því það vera messur í öllum kirkjum prestakallsins. Hér fyrir neðan má sjá dag- og tímasetningar á messunum og auðvitað eru allir velkomnir.

Hafnarkirkja

– Aftansöngur á aðfangadag kl. 18:00

– Hátíðarguðsþjónusta á aðfangadag kl. 23:30

– Aftansöngur á gamlársdag kl. 18:00

Stafafellskirkja

– Hátíðarguðsþjónusta 27. des. kl. 13:00

Brunnhólskirkja

– Hátíðarguðsþjónusta á jóladag kl. 16:00

Hofskirkja

– Hátíðarguðsþjónusta á 2. jólum kl. 14:00

Kálfafellsstaðarkirkja

– Hátíðarguðsþjónusta á 2. jólum kl. 16:00

Bjarnaneskirkja

– Hátíðarguðsþjónusta á jóladag kl. 14:00

Hoffellskirkja

– Hátíðarguðsþjónusta 28. des kl. 14:00

Þrjár aðventustundir um helgina

Núna um helgina verða þrjár aðventustundir.

Á föstudaginn kl. 16:15 verður ljúf og þægileg aðventustund í Hofskirkju í Öræfum þar sem skólakrakkar úr sveitinni verða í aðalhlutverkum með spili og söng. Gestaspilarar verða þeir Heiko Buxel frá Skotlandi og Sigurgeir Jónsson frá Fagurhólsmýri, munu þeir báðir spila á harmonikku. Hugvekju flytur Ólafur Sigurðsson í Svínafelli. Eftir athöfn verða kaffiveitingar í Hofgarði.

Á sunnudaginn kl. 14:00 verður ljúf aðventustund í Brunnhólskirkju. Sungnir verða jólasöngvar og sálmar og mun Sigurður Hannesson frá Hólabrekku flytja hugvekju.

Aðventustund í Kálfafellsstaðarkirkju verður svo kl. 16:00 á sunnudaginn. Stefnt verður að Suðursveitungar og aðrir gestir eigi notalega stund saman þar sem sungin verða jólalög og textar lesnir.

Allir eru velkomnir á þessar aðventustundir og er þetta góð leið til að ýta undir jólaskapið.

Fermingardagar fyrir árið 2015

Ákveðnir hafa verið fermingardagar fyrir árið 2015.

Reynt var að koma á móts við allar beiðnir foreldra og er von um að það hafi tekist.

Þeir dagar sem gefnir verða upp hér að neðan munu verða í höndum sr. Stígs, nema annað sé tekið fram.

Hægt verður að koma með börn til fermingar alla messudaga eftir að fermingarfræðslu lýkur þó þeir séu ekki gefnir upp hér.

Hafnarkirkja
– Pálmasunnudagur 29. mars kl. 11:00
– Laug. fyrir páska 4. april kl. 11:00
– Hvítasunnudagur 24. mai kl. 11:00

Bjarnaneskirkja
Páskadagur 5. apríl kl. 13:00

Hoffellskirkja
– Laug. fyrir páska 4. apríl kl: 14:00

Kálfafellsstaðarkirkja
– Skírdagur 2. apríl kl. 14:00

Stafafellskirkja
– Annar í páskum 6. apríl kl. 14:00 (sr. Sigurður)

Eru foreldrar beðnir um að staðfesta sem fyrst þá daga sem þau hyggjast koma með börn sín til fermingar með því að senda tölvupóst á stigur.reynisson@kirkjan.is