Þorláksmessa í Hafnarkirkju

Á Þorláksmessu verður opið hús í Hafnarkirkju frá klukkan 16 til 18. Heitt verður á könnunni og kerti seld fyrir Hjálparstarf kirkjunnar. Guðlaug Hestnes og Jörg Sondermann leika jólalög fjórhent á píanóið. Komið og eigið notalega stund í kirkjunni okkar.

Einnig eru börnin hvött til að skila inn söfnunarbaukunum sem þau fengu í sunnudagaskólanum fyrr í vetur. Baukar munu einnig liggja frammi og þeir sem eru aflögufærir geta sett nokkrar krónur í þá.

Tré brotnaði í Stafafellskirkjugarði

Í hvassviðrinu um daginn gerðist það að tré í suðvestur horni kirkjugarðsins féll. Brotnaði tréð við jörðu og féll útfyrir garðinn. Sem betur fer varð ekkert tjón nema á girðingunni eins og sést á myndunum.

Þegar tréið var fjarlægt var ákveðið um leið að fjarlægja tré sem var norðan við kirkjuna enda myndi það valda miklum skemmdum ef það myndi falla á kirkjuna. Við grófa talningu á aldurshringjum á því tréi kom í ljós að það var um 80 ára.

Hér má sjá myndir af aðkomunni.

Flickr Album Gallery Powered By: Weblizar

 

Nýr prestur í Bjarnanesprestakalli

Síðastliðinn föstudag kom kjörnefnd Bjarnanesprestkalls saman til fundar en þá höfðu umsækjendur um stöðu prests í prestakallinu verið boðaðir í viðtöl. Umsækjendurnir fengu að kynna sig og sín mál, og í framhaldinu fór fram leynileg kosning. Niðurstöðurnar voru svo sendar til biskups til samþykktar.

maria-rut
María Rut Baldursdóttir

Skemmst er frá því að segja að biskup hefur samþykkt að ráða skuli Maríu Rut Baldursdóttur í stöðu prests í hálfri stöðu og mun hún hefja störf í byrjun næsta árs. Um er að ræða viss tímamót því María Rut verður fyrsti skipaði kvenprestur Bjarnanesprestakalls og er það fagnaðarefni.

Sóknarnefndir, sóknarprestur og starfsfólk bjóða Maríu Rut velkomna til starfa og hlakka til að starfa með henni næstu árin. Um leið óska sóknarnefndir hinum umsækjendunum velfarnaðar í þeirra störfum.

Helgihald um jól og áramót – tvær messur falla niður

Nú er jólahelgihald Bjarnanesprestakalls klárt. Verður það með örlitlu breyttu sniði en vegna óviðráðanlegra orsaka falla tvær messur niður. Miðnæturmessa í Hafnarkirkju fellur niður sem og guðsþjónusta í Kálfafellsstaðarkirkju. Suðursveitungum er því boðað sækja messu annað hvort í Hofskirkju eða Brunnhólskirkju. Er beðist innilegrar afsökunar á þessum niðurfellingum.

Helgihald kirknanna má sjá hér fyrir neðan.

jol2016-2

Aðventustundir í Bjarnanesprestakalli

Nú er aðventan á næsta leiti og henni fylgja aðventustundir í öllum sóknum. Á aðventustundunum verða sungnir jólasálmar og lög, kveikt á aðventukertum og hlustað á orð frá ræðumanni.

Unnið er að því að finna ræðumenn og munu nöfn þeirra birtast í næstu blöðum Eystrahorns.

Hér fyrir neðan má sjá tíma- og dagsetningar stundanna, hægt er að smella á myndina til að fá hana stærri.

adventustundir2016

Krossinn kominn upp á ný

nýi krossinnÍ hádeginu í dag var komið að því að ljósakrossinn á turni Hafnarkirkju var tendraður á ný. Í maí síðastliðnum var hann tekinn niður þar sem mikið ryð var farið að safnast saman á honum. Þegar hann var tekinn niður kom í ljós að hann var mun verr farinn en áður var haldið. Vegna þess ílengdist verkið en ákveðið var einnig að skipta um ljósabúnað og eru nú komnar LED lýsing og þeir sem til þekkja segjast merkja mun á lýsingunni. Var það Ragnar Pétursson frá Þoreirsstöðum í Lóni sá um að gera krossinn upp, ásamt að skipta um ljósin, og vann hann verkið listavel eins og sjá má hér. Við uppsetninguna fékk hann góða hjálp eins og hægt er að sjá myndunum hér fyrir neðan.

Flickr Album Gallery Powered By: Weblizar

Blundar söngfugl innra með þér?

Núna stendur Samkór Hornafjarðar á ákveðnum tímamótum af því tilefni langar okkur að athuga hvort  þú vilt ekki hoppa á vagninn með okkur og láta langþráðan leyndann draum verða að veruleika og syngja í blönduðum kór.

Samkórinn hefur að skipa úrvals lið áhugasöngmanna sem sungið hafa saman margir hverjir mjög lengi en nú er svo komið að einhverjir eru farnir að huga að því að láta gott heita.

Eins og oft í sjálfboðaliðastarfi sem þessu er gulrót og  gulrótin okkar að þessu sinni utanlandferð haustið 2017 og eru allir starfandi kórfélagar nýjir jafnt sem gamlir velkomnir með okkur í þá ferð.

Í Samkórnum starfa 22 úrvals meðlimir í dag ásamt nýjum kórstjóra, Jörg Sondermann. Allir áhugasamir geta kynnt sér starfið framundann og átt frábærar stundir með góðum félögum á þriðjudagskvöldum frá kl. 20:00 – 22:00. 

Hlökkum til að sjá þig.

Fyrir hönd Samkórs Hornafjarðar

Stjórnin.

Þrír umsækjendur um stöðu prests í hálfri stöðu í Bjarnanesprestkalli

Þann 9. nóvember síðastliðinn rann út umsóknarfrestur um hálfa starfið í prestkallinu. Mikið hefur verið rætt um þessa stöðu og hafa margir haft áhyggjur af því að enginn myndi sækja um. Nú er ljóst að þrír guðfræðingar sóttu um starfið. Þau eru

  • cand. theol. Arnaldur Máni Finnsson
  • mag. theol. María Rut Baldursdóttir
  • cand. theol. Sylvía Magnúsdóttir

Næsta skref er að kjörnefnd mun koma saman og ráða ráðum sínum.

Fréttin birtist upphaflega á heimasíðu Þjóðkirkjunnar