Sunnudaginn 9. júlí verður göngumessa í umhverfi Bjarnaness. Gangan verður ekki löng og er miðast við að allir geti tekið þátt, ungir sem aldnir. Nánari upplýsingar má sjá á auglýsingunni hér fyrir neðan.
Nú er sumarhelgihaldið klárt og það er að finna hér fyrir neðan. Frekari upplýsingar um messunar munu birtast á síðunni þegar messurnar nálgast.
Dagana 18. til 26. apríl ferðast 12 Færeyingar úr Þjóðkirkjunni í Færeyjum í kringum Ísland, þar sem þeir halda samkomur í kirkjum. Með hópnum koma tveir færeyskir prestar, sem fararstjórar – Sverri Steinhólm, sem er sjúkrahús- og fangelsisprestur í Þórshöfn og Bergur D. Joensen, sem er sóknarprestur í Þórshöfn. Sverri og Bergur hafa komið til Íslands og haldið færeyskar guðsþjónustur í Reykjavík margsinnis.
Hópurinn hefur haft samband við íslenska presta og er ætlunin at hitta íslenska biskupinn, Agnesi M. Sigurðardóttur. Helstu tengiliðir Færeyinganna í ferðinni eru Vigfús Ingvar Ingvarsson á Egilsstöðum og Ragnar Snær Karlsson í Reykjavík.
Þau, sem koma frá Færeyum, eru nemar í færeyskum kirkjuskóla, sem heitir PODAS Ekklesias, sem á grísku merkir kirkjufætur. Skólinn kennir nemunum að sitja við fætur Jesú og þjóna við fætur náungans.
Um 100 Færeyingar hafa verið í PODAS Ekklesias síðan 2008, er skólin byrjaði. Skólinn nær yfir um 4 ár og fólk fær tveggja tíma kennslu á viku. Þau sem koma til Íslands – 5 konur og 7 karlar – eru öll á besta aldri. Eitt þeirra raunar ungt að árum.
Ætlunin er að heilsa uppá Íslendinga og hnýta vinabönd og efla ennfrekar góð samskipti milli Færeyja og Íslands.
Færeyingar hafa alltaf litið upp til Íslendinga og geta margt lært af vinnusemi þeirra og þolgæði eins og af virðingu þeirra fyrir máli og menningu.
Mun hópurinn halda samkomu á Höfn:
Þriðjud. 25. apríl: Hafnarkirkja kl. 20.00
Við vonum að við hittum marga Íslendinga!
Verið öll velkomin!
Fyrir hönd Íslandsfaranna,
Sverri Steinhólm
Bergur D. Joensen
Aðalsafnaðarfundur í Bjarnanessókn verður haldinn sunnudaginn 19.mars klukkan 13:00 í Bjarnaneskirkju.
Dagskrá: Venjuleg aðalfundarstörf.
Sóknarnefnd Bjarnanessóknar
Aðalsafnaðarfundur í Hafnarsókn verður haldinn mánudaginn 20.mars klukkan 17:30 í safnaðarheimili kirkjunnar.
Dagskrá: Venjuleg aðalfundarstörf.
Sóknarnefnd Hafnarsóknar
Nú hafa fermingardagar verið ákveðnir fyrir og hér birtist listi yfir þau börn sem fermast í Bjarnanesprestakalli árið 2017.
ATH. Birt með fyrirvara um breytingar.
Hafnarkirkja
13. apríl (Skírdagur) kl. 11:00
15. apríl (Laugardagur fyrir páska) kl. 11:00
4. júní (Hvítasunnudagur) kl. 11:00
Bjarnaneskirkja
16. apríl (Páskadagur) kl. 13:00
Hofskirkja
4. júní (Hvítasunnudagur) kl. 14:30
Hoffellskirkja
15. apríl (Laugardagur fyrir páska) kl. 14:00
Sumarfermingar
Stafafellskirkja
18. júní kl. 11:00
Hafnarkirkja
20. ágúst 11:00
Það er góð og falleg hefð að skíra börn í fallegum skírnarkjólum. Kjóla ganga jafnvel á milli fjölskyldna og vina og eiga langa sögu. Sumir búa ekki svo vel að eiga eða geta fengið lánaðan kjól þegar kemur að skírn.
Sóknarbörn Bjarnanesprestkalls sem ekki eiga vísan aðgang að kjól geta fengið leigðan kjól sem er í eigu Hafnarkirkju. Kjólarnir eru þrír og henta því vel ef skírð eru fleiri en eitt barn á sama tíma.
Nánari upplýsingar um kjólana er að finna hér.
Síðasta sunnudag, 15. janúar, var María Rut Baldursdóttir vígð til embættis í Bjarnanesprestakalli. En auk hennar var Erla Björk Jónsdóttir vígð til héraðsprests í Austurlandsprófastsdæmi. Sr. Agnes M. Sigurðardóttir sá um vígsluna og sr. Stígur var einn af vígsluvottum. Athöfnin var virkilega hátíðleg í alla staði og má segja hún boði gott uppá framhaldið.
Sr. Stígur og sr. María þekkjast úr guðfræðináminu og eru þau bæði virkilega spennt fyrir samstarfinu en sr. María Rut hefur hafið störf og því er hægt að leita til hennar ef hennar návist er óskað.
Þess má geta að þann 29. janúar verða kollegarnir sett formlega í embætti í messu í Hafnarkirkju. Verður þau auglýst síðar.
Nú er árið 2016 á enda og því er gott tilefni að horfa yfir farinn veg. Hvernig var árið 2016 í Bjarnanesprestakalli? Það er ekki hægt að segja annað en nóg hafi verið um að vera, nýr sóknarprestur skipaður, prestur valin og nýr organisti ráðinn. Hafnarkirkja og Bjarnaneskirkja fögnuðu stórafmælum með ýmsum viðburðum og hátíðarmessum, og svo mætti lengi telja.
Messur voru reglulega yfir allt árið en alla jafna voru þær á hálfsmánaðarfresti. Hafnarkirkja var vel nýtt til ýmissa starfa, þ.á.m. kórastarf, foreldramorgna og félagsstarfa.
Kirkjulegar athafnir (frátöldum messum) voru með mesta móti á árinu og má þá sérstaklega nefna útfarir. Hér fyrir neðan má sjá tölulegt yfirlit yfir þá viðburði.
Eins og sjá má voru útfarir margar og hafði fjölgað gríðarlega frá síðasta ári en þá voru þær 14. Það er þó gleðilegt að skírnum fjölgaði frá árinu 2015 voru þær aðeins 10 enda fæddust óvenju fá börn á því ári.
Hægt er að bera saman fleiri tölur frá árinu áður með því að smella hér.
Þess má geta að hér er ekki um tæmandi lista að ræða því aðeins er farið í kirkjubækur prestakallsins. Athafnir eins og endurnýjun hjúskaparheita kemur ekki hér fram né athafnir sem framkvæmdar voru af öðrum prestum.
Sóknarprestur, starfsfólk og sóknarnefndir Bjarnanesprestakalls óska sóknarbörnum sínum, öðrum Hornfirðingum og landsmönnum öllum gleðilegs nýs árs og farsældar á árinu. Um leið þökkum við samveruna á árinu sem var að líða og hlökkum til að eiga með ykkur samfélag á nýju ári.
Sóknarprestur, organisti, sóknarnefndir og starfsfólk Bjarnanesprestakalls óskar sóknarbörnum, velunnurum, sem og öðrum gleðilegra og kærleiksríkra jóla með þökk fyrir stundirnar og stuðninginn á árinu. Guð veri með ykkur yfir hátíðarnar og megi þið eiga góðar og innilegar stundir með fjölskyldu og vinum.
