Nú er jólahelgihald Bjarnanesprestakalls klárt. Verður það með örlitlu breyttu sniði en vegna óviðráðanlegra orsaka falla tvær messur niður. Miðnæturmessa í Hafnarkirkju fellur niður sem og guðsþjónusta í Kálfafellsstaðarkirkju. Suðursveitungum er því boðað sækja messu annað hvort í Hofskirkju eða Brunnhólskirkju. Er beðist innilegrar afsökunar á þessum niðurfellingum.
Helgihald kirknanna má sjá hér fyrir neðan.
Nú er aðventan á næsta leiti og henni fylgja aðventustundir í öllum sóknum. Á aðventustundunum verða sungnir jólasálmar og lög, kveikt á aðventukertum og hlustað á orð frá ræðumanni.
Unnið er að því að finna ræðumenn og munu nöfn þeirra birtast í næstu blöðum Eystrahorns.
Hér fyrir neðan má sjá tíma- og dagsetningar stundanna, hægt er að smella á myndina til að fá hana stærri.
Þann 9. nóvember síðastliðinn rann út umsóknarfrestur um hálfa starfið í prestkallinu. Mikið hefur verið rætt um þessa stöðu og hafa margir haft áhyggjur af því að enginn myndi sækja um. Nú er ljóst að þrír guðfræðingar sóttu um starfið. Þau eru
Næsta skref er að kjörnefnd mun koma saman og ráða ráðum sínum.
Fréttin birtist upphaflega á heimasíðu Þjóðkirkjunnar
Þann fyrsta nóvember urðu mikil tímamót í Bjarnanesprestakalli þegar sr. Sigurður Kr. Sigurðsson lét af stöfum eftir 21 ár. Fyrir mánuði síðan lét Kristín Jóhannesdóttir af störfum sem organisti en hún hafði í prestakallinu í 20 ár. Við stöðu sóknarprests tók sr. Gunnar Stígur Reynisson en hann hefur starfað við hlið sr. Sigurðar síðan 2012. Jörg Sondermann tók við keflinu af Kristínu en hann hefur m.a. starfað sem organisti í Hveragerði, Selfossi og Húsavík.
Við þessi tímamót hittust núverandi og fyrrverandi sóknarprestur, ásamt núverandi og fyrrverandi organista í Hafnarkirkju þar sem formleg lyklaafhending fór fram.
Sóknarnefndir í Bjarnanesprestakalli þakka sr. Sigurði og Krístínu fyrir þeirra ómetanlega starf síðustu tvo áratugaina og óskar þeim velfarnaðar í því sem þau munu taka sér fyrir hendur.
Fyrirspurnir um næstu messur berast prestum reglulega. Hér til hliðar má sjá dagatal þar sem hægt er að sjá messur næstu vikna. Einnig má sjá aðra viðburði sem verða í kirkjunni á dagatalinu. Blálitaðir reitir segja til um að það sé viðburður þann dag.
Reynt verður uppfæra dagatalið eins reglulega og hægt er.
Í vetur héldu prestar Bjarnanesprestakalls ásamt organista og samkór í Skálholt þar sem tekin var upp útvarpsmessa. Verður henni útvarpað sunnudaginn 10. júlí kl. 11:00. Í messunni þjónaði sr. Sigurður fyrir altari og sr. Stígur prédikaði. Samkór Hornafjarðar söng undir stjórn Kristínar organista en hún sá einnig um undirleik.
Allir eru hvattir til að kveikja á viðtækjunum á sunnudaginn.
Nú um helgina, 16. apríl, munu prestarnir okkar Sr. Sigurður og sr. Stígur skunda í Skálholt ásamt Kristínu organista og Samkór Hornafjarðar. Tilgangurinn er að taka upp messu í Skálholtsdómkirkju sem sem síðan verður útvarpað 10. júlí á Rás 1 kl. 11:00.
Mun sr. Sigurður þjóna fyrir altari og sr. Stígur prédika. Ritningarlestrar og lokabæn verða í höndum kórfélaga.
Eru allir hvattir til að gefa sér stund þann 10. júlí, setjast við útvarpstækin kl. 11:00 og hlusta á messuna.
Á auglýsingunni hér fyrir neðan má sjá hvernig helgihaldið hefur raðast upp í prestakallinu um páskana. Allir eru velkomnir í messur í kirkjunum.
Nú hafa fermingardagar verið ákveðnir fyrir og hér birtist listi yfir þau börn sem fermast í Bjarnanesprestakalli árið 2016.
Hafnarkirkja
Pálmasunnudagur 20. mars kl. 11:00.
Prestur Gunnar Stígur Reynisson
Aðfangadagur páska 26. mars kl. 11:00.
Prestur Gunnar Stígur Reynisson
Hvítasunnudagur 15. maí kl. 11:00.
Prestur Gunnar Stígur Reynisson
Bjarnaneskirkja
Páskadagur 27. mars kl. 13.00.
Prestur Gunnar Stígur Reynisson
Hvítasunnudagur 15. maí kl. 14:00.
Prestur Gunnar Stígur Reynisson
Sjómannadagur 5. júní kl. 11:00.
Prestur Gunnar Stígur Reynisson
Stafafellskirkja
Annar í páskum 28. mars kl. 11:00.
Prestur Sigurður Kr. Sigurðsson
Hvítasunnudagur 15. maí kl. 16:00.
Prestur Gunnar Stígur Reynisson
Káflafellsstaðarkirkja
Annar í páskum 28. mars kl. 14:00.
Prestur Gunnar Stígur Reynisson
Reglulega tökum við myndir frá hinum og þessum viðburðum sem gerast í prestakallinu og birtum á myndasíðunni okkar. Það er orðið nokkuð síðan að myndir voru settar þar inn en núna er búið að uppfæra síðuna og bæta við fullt af skemmtilegum myndum. Slóðin á síðuna er: http://www.flickr.com/bjarnanesprestakall/ Endilega skoðið og skemmtið ykkur yfir myndunum. Á síðunni er einnig að finna gamlar myndir úr prestakallinu sem vert er að skoða.
