Breytingar á páskahelgihaldi vegna nýrra sóttvarnarreglna

Vegna nýrra sóttvarnarreglna sem birtar voru miðvikudaginn 24. mars neyðumst við til þess að fella niður almennt helgihald. En nýju reglurnar leyfa einungis 30 að koma saman í kirkju, með öllum meðtöldum.

Fermingar munu fara fram með breyttu sniði og verður það lokað. Það er að segja aðeins þeir sem hafa boð frá foreldrum fermingarbarna mega mæta.

Prestar og organisti hafa tekið þá ákvörðun að tekin verður upp helgistund og verður hún birt á netinu á páskadag.

Helgistundin verður að finna á Youtube síðu Hafnarkirkju og Facebook síðu prestakallsins.